Charles Hampshire LLB (Anrh)

Wedi’i leoli yn yr Hen Ficerdy yng Nghaerfyrddin, Charles yw ein harwerthwr a’n prisiwr rhanbarthol ar gyfer Gorllewin Cymru ac mae’n ymweld â chleientiaid yn Abertawe, Sir Benfro ac ar hyd yr arfordir i fyny tuag at Aberystwyth.

Mae arwerthu yng ngwaed Charles hefyd, gan ei fod yn dilyn ôl troed ei dad fel arwerthwr a phrisiwr. Mae’n gwasanaethu rhanbarthau prydferth De Orllewin Cymru ar gyfer Arwerthwyr Rogers Jones. Mae ei ardal eiddigeddus yn cynnwys Abertawe a’r Gŵyr, sir Gaerfyrddin, sir Benfro, a Cheredigion. Mae Charles yn brisiwr cyffredinol gyda diddordeb arbenigol mewn gemwaith, oriorau, darnau arian, gwinoedd , whisgi a chylchgronau comics.

Ers cwblhau gradd yn y Gyfraith ym Mhrifysgol Aberystwyth yn 2008, mae Charles wedi byw a gweithio yng Ngorllewin Cymru gan fyw tafliad carreg o Gaerfyrddin gyda'i wraig a’u dau o blant.

Yn 2010 enillodd Charles deitl ‘Arwerthwr y Flwyddyn’ Cymdeithas Genedlaethol y Priswyr ac Arwerthwyr (NAVA) a hynny yn ystod ei flwyddyn gyntaf ar y rostrwm. Mae hefyd yn gyn-aelod o’r pwyllgor ac yn hyfforddwr ymgynghorol i NAVA, gan hyrwyddo proffesiynoldeb a safonau uchel ledled ein diwydiant a chynorthwyo arwerthwyr newydd i ddod yn weithwyr proffesiynol medrus a chymwys.

Ei ddarganfyddiad mwyaf cofiadwy hyd yn hyn oedd llu o oriorau chwaraeon o fri, a ddarganfuwyd yn ystod ymweliad arferol ag Abertawe. Roedd y casgliad yn cynnwys chwe model Rolex ac enghreifftiau gan Breitling, Cartier, ac Omega. Gwerthodd y grŵp cyfan am dros £100,000 pan ddaethant o dan y morthwyl yng Nghaerdydd.

I ffwrdd o'r ystafell arwerthu, mae Charles yn gefnogwr brwd o Arsenal a’r Exeter Chiefs, yn chwaraewr sboncen yn hyderus ac yn un sydd wrth ei fodd ar y cwrs golff lleol. Ei hoff ddiddordeb yw treulio amser gyda'i deulu ifanc ar draethau godidog Gorllewin Cymru.